TUGENUS Lacus

TUGENUS Lacus

vulgo Zuger-see, ab oppid. Tugio dictus, recipit fluv. Laurentium Loretz, qui ex lacu egressus postea Ursae miscetur. Lucernensi minor est, eique ad Ortum duo adiacent laculi, quorum prior Egery-see, per fluv. Loretz, in lacum Tugenum se exonerat: Alter Lowertz-see nominatus, prope protum Brunnel, in lacum influit Silvaniensem. Tertius paulo remotior, Orientem versus, apud Glaronenses, a valle Clontalla dictus Clontaler-see, per rivulum Lontsch, in rivum Sarnfs se exonerat, qui in Limagum illapsus, illum secum in lacum Tigurinum defert. Ioh. Bapt. Plantinus, Helvet. Nov. Antiq. Lacum Tugenum Artensem vocat, eo quod Meridiem versus ad pagum Suitensem se extendat, usque ad locum Art dictum. Stumpf. de Turgovia, c. 30.